*Ыам ыйын 30 күнүгэр БиҺиги биир дойдулаахпыт А.Г. Неболсин аатынан норуоттар икки ардыларынааҕы бириэмийэ лауреата, график худуоһунньук, иллюстратор *Наталья Винокурова- Филиппова туһунан «Сырдык сыдьаай»* диэн ахтыы кинигэ сүрэхтэниитэ бэрт истиҥник, долгутуулаахтык буолан ааста. Кэлбит эрэ киҺи барыта кинигэни көрөн, истэн талааннаах да кыыс олорон ааспыт диэн сөхтүлэр.Наталья айан хаалларбыт хоҺооннорун аахтылар.Кинигэҕэ Наталья кылгас эрээри, чаҕылхай, баай ис хоһоонноох олоҕун, киһи быһыытынан кэрэкэ майгытын, сырдык-ыраас санаатын, айылҕаттан бэриллибит сэдэх талаанын уонна ураты суоллаах айар үлэтин туһунан чугас дьонун, аймахтарын, дьүөгэлэрин уонна бииргэ үөрэммит доҕотторун иһирэх ахтыыларыгар, өйдөбүнньүк хаартыскаларыгар сырдатыллар. Ону сэргэ кинигэҕэ Наталья араас кэмҥэ толорбут ойуулуур-дьүһүннүүр үлэлэрэ, уран оҥоһуктара, оҕо сааһыгар айан хаалларбыт истиҥ хоһоонноро түмүллэн киирдилэр.
