«Хардааччы Бэргэн» олоҥхо

*САХА ЦИРКАТЫГАР «ХАРДААЧЧЫ БЭРГЭН» ОЛОҤХО ТУРУОҔА: ҮӨҺЭЭ БҮЛҮҮ УЛУУҺА УОННА РАСТОРГУЕВТАР ААТТАРЫНАН СУДААРЫСТБАННАЙ ЦИРКА СӨБҮЛЭҤ ТҮҺЭРИСТИЛЭР.*Үөһээ Бүлүү улууһун култууратын эйгэтигэр биир сэдэх уонна суолталаах түгэн буолла. Марфа уонна Сергей Расторгуевтар ааттарынан Саха Өрөспүүбүлүкэтин судаарыстыбаннай Цирката уонна Үөһээ Бүлүү улууһун култууратын Департамена бииргэ үлэлииргэ сөбүлэҥ түһэристилэр. Бу үлэ чэрчитинэн, биллиилээх олоҥхоһут *Андрей Титаров «Хардааччы Бэргэн»* олоҥхото цирка манеһыгар туруоруллуоҕа.2026 сыл — биһиги киэн туттар биир дойдулаахпыт, Аҕа дойду сэриитин бэтэрээнэ, аатырбыт олонхоһут *Андрей Титович Титаров төрөөбүтэ 110 сыллаах үбүлүөйэ*. Бу бэлиэ сылга анаан, өрөспүүбүлүкэ бастыҥ үөрэнээччилэрин түмэр Ил Дархан харыйатыгар *«Хардааччы Бэргэн»* олоҥхо Саха Циркатыгар туруоҕа. Үөһээ Бүлүү улууһа бу улахан тэрээһини тэрийсиигэ быһаччы кыттыыны ылыаҕа.Үөһээ Бүлүү улууһун култууратын департаменын салайааччыта *Айталина Михайловна Мойтохонова* ааптарскай «Күн оһуохайа» телевизионнай бырайыага эмиэ *Андрей Титаров* үбүлүөйүгэр ананыаҕа. Ону тэҥэ, *Айталина Михайловна* «Хардааччы Бэргэн» олоҥхону оҕолорго аналлаах гынан тиэрдэр сыаллаах саҥа вариациятын суруйан бэлэмнии сылдьар.🎖 *Андрей Титович Титаров* — Буойун уонна Олонхоһут — *Саха сирин Ил Дархана Айсен Сергеевич Николаев* тапталлаах эһэтэ, норуот духуобунай баайын илдьэ сылдьыбыт дьиҥнээх айылҕаттан айдарыылаах киһи. 1916 сыл ахсынньы 2 күнүгэр Үөһээ Бүлүү Дүллүкүтүгэр күн сирин көрбүтэ. Кыратыттан Боокой Борокуоппай курдук аатырбыт дьон тойугун истэн иитиллибитэ. 1942 сыллаахха сэриигэ ыҥырыллан, Сталинград иһин кыргыһыыга пулеметчугунан сылдьыбыта. Биир умнуллубат түгэн — кыргыһыы иннинэ полка командирын көрдөһүүтүнэн 900 саха саллаатын иннигэр оһуохай таһааран, буойуннарбыт санааларын күүһүрдүбүтэ, Кыайыыга кынаттаабыта.Сэрии кэннэ дойдутугар төннөн, Дүллүкү уонна Үөдүгэй нэһилиэктэрин Сэбиэттэрин бэрэссэдээтэлинэн таһаарыылаахтык үлэлээбитэ.*Андрей Титович Титаров* аата — саха норуотун хорсун быһыытын уонна өлбөт-сүүппэт айар кутун ситимэ. Кини үйэлээх айымньыта цирка манеһыгар саҥалыы тыыннанан, кэлэр көлүөнэ ыччакка тиийэрэ — көлүөнэ көмүс ситимэ буолар.#АндрейТитаров110#ГодКультуры#ҮөһээБүлүүT.me/ValeriNikolaev