Лингвист Семен Андреевич Новгородов төрөөбүт күнэ – олунньу 13 кунэ – төрөөбүт тыл уонна сурук-бичик күнүнэн бэлиэтэнэр. Бу дьаһал Саха Республикатын бастакы Президенэ М.Е.Николаев Ыйааҕынан 1996 сыллаахха олохтоммута.

“Төрөөбүт төрүт тылбыт түҥ былыргыттан дириҥ силистээх, ураты баай, хомоҕой, ылбаҕай тыл буоларын бары бэркэ диэн билэбит. Ол эрэн, хомойуох иһин, билицци балысхан сайдыы хааччаҕа суох кимиилээх далааһынын содулунан илэ тутахсыйар, дьадайар эйгэтэ уескээтэ. Ол курдук, бэл, күннээҕи кэпсэтэр-бодоруһар тылбытыгар сахалыы салаҥнык саҥарар, сатаан сааһылаан ыпсарбат, киирии тылы кыбыппакка кыайан кэпсэппэт, санаабытын сайа эппэт кэммит кэрдиибит кэллэ…

Сахалыы солбуйар тылбыт баарын үрдүнэн салаҥнык саҥаран тылбытын сыыһырдабыт, харыстабыла суох сыһыаннаһан атарахсытабыт. Маныаха бу тылдьыкка үгүстүк туттар киирии тылбыт сааһыланан, төрүт тылбытынан солбуллан, аттарыллан таҥылынна…

…күндү доҕоттор, сахабыт дьоно-сэргэтэ, иитиллибит ийэ тылбытынан истицник-иһирэхтик иилэһэн, сахабыт сайдам сацатынан сайаҕастык сайа тыынан төрөөбүт төрүт тылбытын төлкөтүн түстүөҕүц, удьуору утумнаан уу сахалыы тыллаах буолуоҕуц!”

Тацааччылар В.П.Стручков – Дуулаҕа Дьуһаал, СӨ Култууратын үтүөлээх үлэһитэ,

Х.П.Павлова, СӨ Үөрэҕириитин туйгуна

“Бу тылдьыкка үгүстүк туттуллар 1500 кэриҥэ киирии тыл сааһыланан, төрүт тылбытынан солбуллан, аттарыллан таҥылынна. Тылдьыты кэпсэтэр, сэһэргэһэр эйгэни түөлбэлиир дьон, чуолаан көрдөрөр-иһитиннэрэр тэрилтэлэр үлэһиттэрэ, ону сэргэ үөрэнээччилэр, уһуйааннар, култуура үлэтин тэрийээччилэр, суруналыыстар, салайааччылар туһаныахтарын сөп.”

Хоро библиотекатыгар баар.