Кулун тутар 10 күнүгэр олохтоох библиотекаҕа дьахтар комитетын көҕүлээһининэн кумаахыннан өрүүгэ (плетение из бумажной лозы) мастер-класс буолла. Мастер-клаһы Лариса Константинова уонна Наталья Яковлева ыыттылар. Барыта 9 кыттааччы сырытта. Ыытааччылар кумаахыны таларга, сөптөөхтүк быһарга, хайдах тугунан эрийэргэ үөрэттилэр. Ханнык клей, лаах барсарын сүбэлээтилэр. Холобур, кумаахыннан өрүүгэ “Потребительская” диэн кумаахы барсар, ол кумаахы аны туора эбэтэр туруору саастаах буолар, ол сааһынан эрэ сирдэтэн эрийдэххинэ өрөргө табыгастаах буолар эбит. Клей буолла да барыта барсар буотах, манна эмиэ сеп түбэһэр, инчэйдэҕинэ да хоцнубат клейинэн туттар ордук. Мастер-класска сылдьыбыттар үгүс кистэлэҥи биллилэр, “эрийэр да сылаалаах эбит” диэн күлсэ-күлсэ кумаахыларын эрийэргэ үөрэннилэр.

     Бу тэрээһин биир көрсүһүүннэн муҥурдаммакка нэдиэлэ аайы мустан этаптарынан остуолга иһит анныгар уурар подставка оҥорууга үөрэниэхтээхтэр. Кыттааччылар хайыы үйэ Ватсапка группа арынан сүбэлэһэн, ким хантан туох ылбытын уллэстэн, кумаахыларын эрийэн, обработкалаан аныгыс көрсүһүүгэ бэлэмнэр.