“Из всех искусств первое место удерживает поэзия” И.Кант, философ.
Сылын ахсын кулун тутар 21 күнүгэр Аан дойдуга Поэзия күнэ бэлиэтэнэр.
Киһи бары поэт буолан, тулалыыр эйгэни да, киһи ис туругун да табан, уустаан-ураннаан ойуулууру сатаабат. Хоһоон суруйааччы уйан дууһалаах, ураты көрүүлээх, тыллаах-өстөөх буолар. Кини хараҕынан көрдөххө олох хайдах быһыылаах, хайдах өҥнөөх буолар эбитэ буолла?
Күндү ааҕааччыларбытыгар анаан бу күн Хоробут айар куттаах дьоно суруйбут хоһооннорун эһиэхэ аныыбыт.
(Сигэни баттаан, хачайдаан атын хоһооннорун ааҕыаххытын сөп)
- Афанасьев В.Н.
Төбөнү ытыйар санааны
Төһө өр кистээммин сылдьыамый?
Дууһаны долгутар тыллары
Көҥүлгэ ыыппакка буолуомуй?
Көрүөхтэн кэрэни, дьиктини
Күлүккэ тэцниэххэ сатаммат.
Тапталтан, кэрэттэн дьиктини
Тэҥниэххэ сатаммат атыцца.
Соҕотох буолартан тэһииркээн
Суохтуубун куруутун эйигин,
Кэлиэхтээх кэмнэри бэриэттээн
Кэтэһэ күннэри барыыбын.
2. Васильева Татьяна Лукинична
Ноо! Олоҥхо 100 күнүгэр олорсон…
Үөһээ кирбиилэргэ өрүү талаһар
Үгүс элбэх ахсаана биллибэт
Үлэһит бастыҥа дьоннордоох,
Үтүө майгылаах ыччаттардаах,
Үтүмэн үгэстэрдээх – атыттарга холобур буолар
Үчүгэй түмүктэрдээх – олох бары салаатыгар
Үөһээ Бүлүү улууһа
Үйэлэргэ биирдэ тиксэр
Үбүлүөйдээх 15 төгүлүн ыытыллар
Үөрүүлээх Олоҥхо ыһыаҕын
Үрдүк тэрээһиннээхтик ыытарга
Үтүмэн үгүс дьону түмэн, сомоҕолоон
Үлүскэн үлэ үөһүгэр сылдьар, ол да буоллар
Үмүрүттэ сүрүн дьаһаллары
Үксэттэ норуот көҕүн, күүһүн, түмсүүтүн.
Үөрэ-көтө көрсүөҕэ ыалдьыттарын
Үйэлэргэ хаалардыы кыһаллан
Үксэтиэҕэ хатыламмат сонун оҥоһуктары,
Үйэлээх, баай тутуулары.
Үүнэр-сайдар аналлаах
Үөһээ-Бүлүү дойдубут,
Үрдүктүүрэ чыпчааллары,
Үлүскэннээх кыайыылары
Үгүс күүстээх үлэнэн
Үрүлүччу тарда туруохтун!
3. Григорьева Раиса Ивановна
Абырал санаторийга…
Абыралга киирэммин абырана сытабын
Алама5ай эмчиттэр элбэхтэрин се5ебун
Абалаахтан а5алан бадараацца суулууллар
Атын араас ньыманнан кыьананнар эмтииллэр
Араас улуус дьонноро мустан эмкэ сылдьабыт
Аралдьыйа таарыйа сатыырынан сатыыбыт
Арыт киэьэ кэнсиэртээн ырыа-тойук буолабыт
Арыт хоьоон аа5ыылаах айар киэьэ ыытабыт
Талааннаахтар мустаннар талбыт дьарык ыыталлар
Таансы, оонньуу арааьын, лотуону да сатыыллар
Амтаннаа5ы аьатар эмчит бэрдэ кыргыттар
Анаан алыс аьатан ыйааьыны эптилэр
Абыралбыт чахчы да абыраллаах сир эбит
Аны ессе да5аны анаан кэлэр инибит
4. Семенова Снежана Захаровна
Мин бүгүн баҕардым-ол көтөр кэриэтэ,
Былыттаах урсуҥҥа дайыахпын,
Муунтуйбут санаабын өһүлэ таарыйа
Бигээбит тэтиммин ыллыахпын.
Баҕардым, мин сэргэ буоламмын
Үйэ саас тухары туруохпун,
Олохпут кэрдиитин көрөммүн,
Олус да элбэҕи туоруохпун.
Баҕардым, мин дорҕоон буоламмын
Дуорайаат даҕаны сүтүөхпүн,
Эбэтэр мин ырыа буоламмын
Матыыпка дьиэрэҥкэй тэбиэхпин.
5. Петр Яковлев – Хаҥыл Хара
–Хомпоруун хотой буолан
Киэҥ халлааны кэрийэ көтөр,
Эбэтэр сырдык сулус буолан
Икки атаҕы ымсыырда турар
Буолуохпун
Баҕарбаппын!
Бар дьону үрдүнэн
Тайаара көтөр кыната,
Үөһэттэн Улуутуйа одуулуур оҥоһуута,
Ымсыырда мичиҥниир
Тоҥ уота даҕаны суохпуттан,
Дьону кытта эн-мин дэһэн
Тэбис-тэҥҥэ сылдьарбыттан,
Аар Айылҕалыын алтыһар,
Аал уоту оттор,
Төрүт өбүгэм тылынан саҥарар,
Алгыс тылын амалыйар кыахтаахпыттан
Олус үөрэбин,
КИҺИ буолбут
аналбыттан!
6. Струкин Николай Алексеевич – Дьулусхан
Айан дьикти аргыһа
Айаннаатыбыт бииргэ куоракка,
Аргыһым эдэрчи кэрэ аҥаар,
Аттыбар олорон арааһы кэпсэттибит,
Ардыгар чуумпуран ылабыт,
Толору бууттарыц сылааһыттан
Туох дьикти санааҕа муннум…
Арахсарыгар сылаастык көрөөт,
Аадырыһын, телефонун биэрдэ –
Арай мин кырдьык эрийиим…?
