Вход в личный кабинет

Олоҥхо күнүнэн!

олоҥхо күнэ

Олоҥхо саха омук былыыр былыргы дьыллар быыстарыттан сырдык уонна хараҥа, айыы уонна абааһы аймахтара утарыта турууларын, күрсүүлэрин туһунан уостан уоска бэриллэн кэлбит уус-уран айымньыта. Олоҥхо киһи өркөн өйүн күүһүн күдэҕин кыаҕынан айыы аймаҕын күөмчүттэн көмүскүүр үрдүк аналын хоһуйар.
2005 сыллаахха сэтинньи 25 күнүгэр, ЮНЕСКО олоҥхону аан дойду култууратын биир саамай чаҕылхай шедеврынан биллэрбитэ. Нөҥүө сылыгар СӨ бэрэсидьиэнин N 3036 Ыйааҕынан 2006 сыл сэтинньи 15 к. Саха Өрөспүүбүлүкэтигэр сэтинньи 25 күнэ Олоҥхо күнэ быһыытынан биллэриллибитэ. Бу күҥҥэ олоҥхону киэҥ араҥаҕа тарҕатар, үйэтитэр соруктаах тэрээһиннэр ыытыллыахтаахтар.

Оннук курдук сэтинньи 25 күнүгэр Снежана Семенова – А.Д.Филиппов аатынан Хоротооҕу култуура тэрилтэтин методиһа Г.Н.Чиряев аатынан Хоро орто оскуолатыгар тахсан Олоҥхо туһунан кэпсээтэ уонна үөрэнээччилэр олоҥхоттон ыйытыктарга эппиэттээтилэр. Снежана Семенова бэйэтэ оҥорбут, олоҥхону оҕолорго билиһиннэрэр ойуулугун көрдөрдө уонна олоҥхолоон иһитиннэрдэ.

Ол кэнниттэн Г.Н.Чиряев аатынан Хоро орто сокуолатын Сахат тылын уонна литературатын учуутала Максимова Саргылана Васильевна тэрээһининэн Т.О.К. оонньуу ааста.

Вход

Введите логин и пароль, указанные при регистрации