Бүгүн, алтынньы 4 күнүгэр, Хоро нэһилиэгин А.Д.Филиппов аатынан култуура тэрилтэтигэр “КиноМаниЯ” киинэ саалата үөрүүлээх арыллыыта буолла. Бу күн Саха Өрөспүүбүлүкэтин Ил Дархана Айсен Николаев кыттыылаах, Сахабыт сирин араас муннуктарыгар 40 киинэ саалатын куйаар ситимин нөҥүө арыйан икки бүк долгутуулаах буолла.Киинэ саалатын арыллыытыгар Хоро нэһилиэгэр киинэ сайдыытыгар өр кэмҥэ үлэлээбит Кылыярова Лидия Васильевнаҕа, Попова Татьяна Сонгиновнаҕа “Хоро нэһилиэгэ” МТ баһылыга Альберт Иванов уонна Хоро КДУ аатыттан махтал сурук туттардылар.Кыһыл лентаны баһылык Иванов Альберт Александрович, КДУ уус-уран салайааччыта Касьянов Иван Вадимович уонна киинэ бэтэрээнэ Кылыярова Лидия Васильевна быстылар.Салгыы “Золотой ворон” аан дойдутааҕы киинэ фестивалын гран-при хаһаайына, Михаил Лукачевскай “Кыталыктаах кырдалым”киинэтин көрдөрдүлэр.Санатан эттэххэ, бүгүн Ороһу, Маҥаас, Тамалакаан уонна Хоро нэһилиэктэригэр киинэ саалалара арылыннылар.
